Sot, në një nga zonat më të frekuentuara të komunës sonë, u realizua një nismë simbolike që përcjell frymën e pranverës dhe përkushtimin për kujdesin ndaj ambientit ku jetojmë.
Në këtë aktivitet, Kryesuesi i Këshillit Komunal, Muhamed Murtezi, në cilësinë e përfaqësuesit të Komunës së Çairit, së bashku me drejtorin e Ndërmarrjes Publike “Parqe dhe Gjelbërime”, Muamer Seferi, realizuan rifreskimin dhe rregullimin e hapësirave të gjelbra me lule sezonale. Ky aksion është pjesë e përgatitjeve për gjelbërimin dhe zbukurimin e komunës gjatë sezonit pranveror.
Përmes këtij angazhimi synohet jo vetëm përmirësimi i estetikës urbane, por edhe krijimi i një mjedisi më të këndshëm dhe më të gjallë për banorët e Çairit.





